Jump to content

Ժոզեպ Գոմես

Վիքիպեդիայից՝ ազատ հանրագիտարանից
Ժոզեպ Գոմես
Անձնական տվյալներ
Ամբողջական անուն Ժոզեպ Անտոնիո Գոմես Մորեյրա
Քաղաքացիությունը Անդորրա Անդորրա
Ծննդյան ամսաթիվ դեկտեմբերի 3, 1985(1985-12-03)[1][2] (39 տարեկան)
Ծննդավայր Լա Մասսանա, Անդորա
Հասակ 181 սմ
Քաշ 76 կգ
Դիրք դարպասապահ
Ակումբային տեղեկություններ
Ներկա ակումբ Անդորրա ՈւԷ Սանտա Կոլոմա
Մասնագիտական կարիերա*
Տարի Ակումբ Խաղ (Գոլ)
2004-2006 Անդորրա Անդորա
2006-2009 Իսպանիա Էիվիսա Իբիսա 47 (−?)
2009-2010 Իսպանիա Սյուդադ դե Վիկար 17 (−?)
2010-2011 Իսպանիա Սան Ռաֆայել 5 (−?)
2011-2012 Իսպանիա Կարաբանչել
2013-2014 Իսպանիա Ֆորտունա 44 (−?/1)
2014 Ֆրանսիա Պեննուազ 2 (−1)
2015-ներկա Անդորրա ՈւԷ Սանտա Կոլոմա 3 (−?)
Ազգային հավաքական‡
2002-? Անդորրա Անդորա (Մ-17) 1 (−?)
Անդորրա Անդորա (Մ-19) 3 (−?)
Անդորրա Անդորա (Մ-21) 2 (−?)
2006-ներկա Անդորրա Անդորա 32 (−75)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ մայիսի 27, 2015:

‡ Ազգային հավաքականի խաղերն ու գոլերը ըստ մայիսի 27, 2015

Ժոզեպ Անտոնիո Գոմես Մորեյրա (իսպ.՝ Josep Antonio Gómes Moreira, դեկտեմբերի 3, 1985(1985-12-03)[1][2], Անդորրա լա Վելյա, Անդորրա, Անդորա), անդորացի ֆուտբոլիստ, «Ունիո Էսպորտիվա Սանտա Կոլոմա» ակումբի և Անդորայի ազգային հավաքականի դարպասապահը։

2004 թվականին սկսել է խաղալ «Անդորա» ակումբում, հետո խաղացել է «Էիվիսա Իբիսայում»։ Հետագայում ելույթ է ունեցել «Սյուդադ դե Վիկար», «Սան Ռաֆայել» և «Կարաբանչել» ակումբներում։ 2013 թվականին տեղափոխվել է Լեգանեսի «Ֆորտունա» ակումբ, հետո խաղացել է ֆրանսիական «Պեննուազում»։

Խաղացել է Անդորայի մինչև 17, 19 և 21 տարեկանների հավաքականներում։ 2006 թվականից հանդես է գալիս Անդորայի ազգային հավաքականում և համարվում է հիմնական դարպասապահը։ Ներկայումս հավաքականում խաղացել է 32 խաղ և բաց թողել 75 գոլ։

Կարիերա

[խմբագրել | խմբագրել կոդը]

Ակումբային կարիերա

[խմբագրել | խմբագրել կոդը]

Կարիերան սկսեց 2004 թվականին, Իսպանիայի 7-րդ դիվիզիոնի «Անդորա» ակումբում։ Այնտեղ խաղաց 2 տարի։

2006 թվականի ամռանը տեղափոխվեց «Էիվիսա Իբիսա» ակումբ։ 2006-07 մրցաշրջանում Գոմեսը խաղաց այլ անդորացիների՝ Մարսիո Վիեյրայի, Սերժի Մորենոյի և Տոնի Լիմայի հետ[3], թիմի հետ դարձավ Տերսերայի չեմպիոն, որից հետո թիմը հայտնվեց Սեկունդա Դիվիզիոն Բ-ում։ Այնտեղ խաղաց 11 խաղ։ Հաջորդ մրցաշրջանում իր հայրենակիցներից ակումբում միայն Մարկ Գարսիան էր[4], Գոմեսը խաղաց 21 խաղ, իսկ թիմը առաջնությունում զբաղեցրեց 7-րդ տեղը։ 2008-09 մրցաշրջանում «Էիվիսա Իբիսան» զբաղեցրեց 18-րդ տեղը և լքեց Սեկունդա Դիվիզիոն Բ-ն, իսկ Գոմեսը խաղաց 15 խաղ։ Ընդհանուր առմամբ ակումբում խաղաց 47 խաղ, երկար ժամանակ եղավ երկրորդ դարպասապահը[5]։

2009 թվականի ամռանը ազատ գործակալի իրավունքներով տեղափոխվեց «Սյուդադ դե Վիկար» ակումբ և 2009-10 մրցաշրջանը անցկացրեց Իսպանիայի 4-րդ դիվիզիոնում ու խաղաց 17 խաղերում[6]։ 2010 թվականին դարձավ «Սան Ռաֆայել» ակումբի ֆուտբոլիստը, որը նույնպես հանդես էր գալիս Սեկունդա Դիվիզիոն Բ-ում, և խաղաց ընդամենը 5 խաղ։ 2011-12 մրցաշրջանում խաղաց «Կարաբանչել» ակումբում։ 2013 թվականի ձմռանը տեղափոխվեց Լեգանեսի «Ֆորտունա» ակումբ։ Այնտեղ խաղաց 44 խաղ և խփեց 1 գոլ։ 2014 թվականի ամռանը իր հայրենակից Էմիլ Գարսիայի հետ տեղափոխվեց ֆրանսիական «Պեննուազ» ակումբ։ Թիմի կազմում խաղաց 2 խաղ և բաց թողեց 1 գոլ։ 2015 թվականին դարձավ «Ունիո Էսպորտիվա Սանտա Կոլոմա» ակումբի խաղացողը և 2014-15 մրցաշրջանի Պրիմերա Դիվիզիոյում խաղաց 3 խաղ[7]։

Կարիերան հավաքականում

[խմբագրել | խմբագրել կոդը]
Ժոզեպ Գոմեսը

2002 թվականի Եվրոպայի ֆուտբոլի պատանեկան առաջնության որակավորման փուլի շրջանակներում եղել է Անդորայի մինչև 17 տարեկանների հավաքականի կազմում և խաղացել է մեկ խաղ։ Անդորայի մինչև 19 տարեկանների հավաքականում խաղացել է 3 խաղ։ Անդորայի ֆուտբոլի երիտասարդական հավաքականում խաղացել է 2 խաղ[8]։

2005 թվականին, երբ Գոմեսը 20 տարեկան էր, Անդորայի ազգային հավաքականի գլխավոր մարզիչ Դավիդ Ռոդրիգոն Գոմեսին սկսեց հրավիրել գաճաճ պետության թիմ, որը 2015 թվականի դեկտեմբերի 3-ի դրությամբ ՖԻՖԱ վարկանշայն աղյուսակում զբաղեցնում է 201-րդ տեղը[9]։ 2005 թվականի մարտի 26-ին նա հայտնվեց Մունդիալ 2006-ի որակավորման տուրի շրջանակներում կայանալիք Հայաստան-Անդորա արտագնա խաղում խաղացող կազմի մեջ։ Խաղն ավարտվեց հայերի հաղթանակով (2-1)[10], իսկ Գոմեսը ամբողջ խաղի ընթացքում նստեց պահեստայինների նստարանին։ Որոշ ժամանակ ևս Ժոզեպ Գոմեսը պահեստային դարպասապահ էր և Կոլդոյի հերթափոխորդը[5]։

2006 թվականի օգոստոսի 16-ին Բելառուսի հավաքականի դեմ ընկերական խաղի ժամանակ Գոմեսը առաջնախաղ ունեցավ Անդորայի ազգային հավաքականի կազմում։ Դավիդ Ռոդրիգոն նրան խաղադաշտ դուրս բերեց ավելացված ժամանակում Կոլդոյի փոխարեն։ Խաղն ավարտվեց Բելառուսի հաղթանակով (3-0)[11]։ 2007 թվականի նոյեմբերի 21-ին, Եվրո 2008-ի որակավորման խաղերի շրջանակներում, Ռուսաստանի դեմ խաղում նա երկրորդ անգամ ելույթ ունեցավ Անդորայի ազգային հավաքականի կազմում (0-1)[12]։ Նա խաղի մեջ մտավ երկրորդ խաղակեսի սկզբին և անառիկ պահեց իր դարպասները։

2009 թվականի հունիսի 10-ին «Ուեմբլի» մարզադաշտում կայացած Անգլիայի դեմ խաղում Կոլդոն հավաքականի կազմում անցկացրեց իր վերջին խաղը։ Խաղն ավարտվեց Անգլիայի ջախջախիչ հաղթանակով (6-0)[13], իսկ Ժոզեպ Գոմեսը 79-րդ րոպեին փոխարինեց Կոլդոյին։ Դրանից հետո Գոմեսը դարձավ հավաքականի հիմնական դարպասապահը։ 2009 թվականի սեպտեմբերի 5-ին Ուկրաինայի դեմ խաղում, չնայած Անդորայի 5-0 հաշվով պարտությանը, Գոմեսը լավ խաղաց և ԶԼՄ-ների կողմից ստացավ դրական գնահատականներ[14]։ Մունդիալ 2010-ի որակավորման փուլում խաղաց 5 խաղ, որոնցում բաց թողեց 17 գոլ և ստացավ դեղին քարտ[15]։

2011 թվականի փետրվարի 9-ին, Մոլդովայի դեմ ընկերական խաղում 38-րդ րոպեին հյուրերը 11-մետրանոց վաստակեցին, սակայն Գոմեսը հետ մղեց Անատոլի Դորոշի հարվածը։ Այնուամենայնիվ Անդորան զիջեց[16]։ Եվրո 2012-ի որակավորման փուլում Գոմեսը խաղաց բոլոր 10 խաղերում՝ անցկացնելով ամբողջ 90 րոպեները և բաց թողեց 25 գոլ[17]։ Մունդիալ 2014-ի որակավորման փուլում խաղաց 6 խաղ, որոնցում բաց թողեց 17 գոլ[18]։

Ընդհանուր առմամբ Անդորայի ազգային հավաքականում խաղացել է 32 խաղ և բաց թողել 75 գոլ։

Ձեռքբերումներ

[խմբագրել | խմբագրել կոդը]
  • Տերսերայի չեմպիոն (1)՝ 2006-07

Անձնական կյանք

[խմբագրել | խմբագրել կոդը]

Ունի պորտուգալական արմատներ։ Անգլիայում աշխատել է որպես ձեռնարկատեր։ Տիրապետում է անգլերենին[19]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 FBref.com(բազմ․)
  3. ↑ «Էիվիսա Իբիսան 2006-07 մրցաշրջանում» (իսպաներեն). ceroacero.es. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  4. ↑ «Էիվիսա Իբիսան 2008-09 մրցաշրջանում» (իսպաներեն). ceroacero.es. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  5. ↑ 5,0 5,1 Ալեքսանդր Տիտեև (21.11.2007). «Իսպանիայի չորրորդ դիվիզիոնի հավաքականը» (ռուսերեն). Чемпионат.com. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  6. ↑ Պրոֆիլը transfermarkt.com կայքում
  7. ↑ «Խաղացողի պրոֆիլը» (կատալաներեն). Անդորայի ֆուտբոլի ֆեդերացիա. Վերցված է 2015 թ․ մայիսի 27-ին.(չաշխատող հղում)
  8. ↑ Վիճակագրությունը UEFA.com կայքում(չաշխատող հղում)
  9. ↑ «Հավաքականների վարկանիշ» (անգլերեն). ՖԻՖԱ-ի պաշտոնական կայք. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  10. ↑ «Հայաստան - Անդորա խաղի արձանագրությունը» (անգլերեն). soccerway.com. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  11. ↑ «Բելառուս - Անդորա խաղի արձանագրությունը» (ռուսերեն). eu-football.info. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  12. ↑ «Անդորա - Ռուսաստան խաղի արձանագրությունը» (ռուսերեն). eu-football.info. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  13. ↑ «Անգլիա - Անդորա խաղի արձանագրությունը» (ռուսերեն). eu-football.info. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  14. ↑ «Անդորա - Ղազախստան խաղի անոնսը» (ռուսերեն). sports.kz. 09.09.2009. Արխիվացված օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  15. ↑ «Մունդիալ 2010-ի որակավորման փուլի խաղերի ցանկը» (ռուսերեն). Чемпионат.com. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  16. ↑ «Ընկերական խաղում Անդորան զիջեց Մոլդովային» (ռուսերեն). newsmoldova.ru. 09.02.2011. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  17. ↑ «Եվրո 2012-ի որակավորման փուլի խաղերի ցանկը» (ռուսերեն). Чемпионат.com. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.
  18. ↑ «Մունդիալ 2014-ի որակավորման փուլի խաղերի ցանկ» (ռուսերեն). Чемпионат.com. Արխիվացված է օրիգինալից 2014 թ․ օգոստոսի 8-ին. Վերցված է 2014 թ․ օգոստոսի 4-ին.
  19. ↑ Մաքսիմ Լյապին (02.09.2010). «Зарплата – от 1500 до 2500. Костяк сборной Андорры составляют «белые воротнички», чей месячный доход составляет меньшую сумму, чем у наших игроков первого дивизиона» (ռուսերեն). Սովետսկի սպորտ. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 11-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ժոզեպ Գոմես» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Ժոզեպ_Գոմես&oldid=9790554» էջից